Rossiya sırtqı isler ministri Sergey Lavrov 22-23-aprel kúnleri rásmiy sapar menen Tashkentte boladı. Bul haqqında Rossiya sırtqı isler ministrligi baspasóz xatkeri Mariya Zaxarova málim etti.

Sapar dawamında Tashkent qalasında Ózbekstan Prezidenti menen sóylesiw, sonday-aq, mámleketimiz sırtqı isler ministri menen sóylesiwler ótkeriliwi rejelestirilgen.
Xabarda aytılıwınsha, tiykarǵı itibar Rossiya prezidenti Vladimir Putinniń 2024-jıl may ayında Ózbekstanǵa mámleketlik saparınıń juwmaqları boyınsha erisilgen kelisimler, sonıń ishinde, Rossiya – Ózbekstan keń kólemli strategiyalıq sheriklik hám awqamlaslıq qatnasıqların jáne de rawajlandırıw máselelerine qaratıladı.

Qaraqalpaqstan xabar agentligi