Xojeli rayonınıń “Aybek” massivinde jaylasqan “Shukurullaeva Tolǵanay” fermer xojalıǵında seminar ótkerildi.

Oǵan Ózbekstan fermerler Keńesi baslıǵınıń birinshi orınbasarı K.Sobirov, Fermerler keńesi qorı baslıǵı T.Sattarov, rayon hákimi J.Ermashev, respublikadan biriktirilgen wákiller hám fermer xojalıqlarınıń baslıqları qatnastı. Sózge shıqqanlar Ózbekstan Fermerler keńesi janındaǵı Fermer xojalıqların qollap-quwatlaw qorı tárepinen fermer xojalıqların qarjılay qollap-quwatlaw imkaniyatları hám jeńillikler haqqında keń túrde túsinikler berdi. Atap aytqanda, kredit ajıratıw tártibi hám xızmet kórsetiw baǵdarlarında birme-bir toqtap ótti. Seminar dawamında fermer xojalıǵı baslıqları tarawda ushırasıp atırǵan mashqalalar, sonıń menen birge usınıs hám pikirleri menen ortaqlastı.

Qaraqalpaqstan xabar agentligi