Prezident Shavkat Mirziyoevtiń basshılıǵında Ándijan wálayatın kompleksli rawajlandırıw boyınsha tiykarǵı wazıypalar baǵdarında májilis bolıp ótti.

– Biz baslaǵan reformalar, bul – tek ǵana sanlar yamasa esabatlar emes. Bul – hár bir shańaraq, hár insannıń turmısında seziletuǵın, abadanlıq hám rawajlanıwǵa baǵdarlanǵan haqıyqıy ózgerisler.
Házirgi kúnde de Ándijanda keń kólemli reformalardı jańa basqıshǵa kóteriw boyınsha eń áhmiyetli wazıypalardı belgilep aldıq. Xalıq hám isbilermenlerdiń keypiyatına tásir etetuǵın barlıq máselelerge toqtap, wálayat ushın zárúr qarjılardı da sheshtik.
Eger barlıǵımız bir bolıp, awızbirshilikli túrde jumıs alıp barsaq, jetiskenliklerimiz jáne de kóbeyedi, biz iyeley almaytuǵın shektiń ózi bolmaydı. Ándijan ele de abat boladı, men oǵan isenemen!-dedi mámleketimiz basshısı sóziniń sońında.
Májiliste wálayat hám respublika juwapkerleriniń esabatları, isbilermenlerdiń usınısları tıńlandı.

ÓzA