Bul haqqında Migraciya agentligi xabar bermekte. Berlinde Ózbekstan puqaraların Germaniyada jumıs penen támiyinlewge baylanıslı úsh tárepleme memorandumǵa qol qoyıldı. Hújjet «Mikrokreditbank», «International People IP GmbH» hám «German Sparkassenstiftung for International Cooperation» arasında dúzildi.

Memorandumǵa bola, ózbekstanlı qánigeler gastronomiya, logistika hám azıq-awqat sanaatı tarawlarında islesiw ushın Germaniyada dual bilimlendiriw tiykarında oqıtıladı. Olar til kursları, viza rásmiylestiriliwi hám jataq jay menen támiyinlenedi.
Tashkentte nemis tili oqıw orayı hám dual bilimlendiriw orayı jumısı baslandı. Bul birge islesiw Ózbekstan hám Germaniya arasındaǵı migraciya kelisimin ámeliyatqa engiziwge xızmet etedi.

Qaraqalpaqstan xabar agentligi