Shımbay rayonlıq Mektepke shekemgi hám mektep bilimlendiriw bólimine qaraslı ulıwma túrdegi mámleketlik mektepke shekemgi bilimlendiriw shólkemleri direktorınıń orınbasarları hám tárbiyashıları arasında «Jıldıń eń jaqsı tárbiyashısı-2025» kásiplik tańlawınıń rayonlıq basqıshı bolıp ótti.

Tańlawda pedagog-xızmetkerler 6 nominaciya boyınsha, belgilengen úsh shártte ózleriniń pedagogikalıq sheberligin, dóretiwshilik qábiletlerin kórsetti.
Tańlaw juwmaǵında, «Eń jaqsı direktor orınbasarı» nominaciyası boyınsha 26-sanlı mektepke shekemgi bilimlendiriw shólkemi direktorınıń orınbasarı Sveta Shınıbekova, «Eń jaqsı jankúyer tárbiyashı» nominaciyası boyınsha 2-sanlı mektepke shekemgi bilimlendiriw shólkeminiń tárbiyashısı Shaxnoza Amangeldieva, «Eń jaqsı dóretiwshi-oylap tabıwshı tárbiyashı» nominaciyası boyınsha 14-sanlı mektepke shekemgi bilimlendiriw shólkemi tárbiyashısı Diloram Orınbaeva, «Innovaciya hám málimleme texnologiyaların qollanatuǵın eń jaqsı tárbiyashi» nominaciyası boyınsha 7-sanlı mektepke shekemgi bilimlendiriw shólkeminiń tárbiyashısı Quralay Berdimuratova, «Eń jaqsı eko-úgit-násiyatlawshı tárbiyashı» nominaciyası boyınsha 11-sanlı mektepke shekemgi bilimlendiriw shólkeminiń tárbiyashısı Gúlbaxar Piryarova, «Jańa Ózbekstanda jańa áwlad balaların ruwxıy jetiklikke jetelewshi tárbiyashı» nominaciyası boyınsha 26-sanlı mektepke shekemgi bilimlendiriw shólkemi tárbiyashısı Sholpan Nurjanovalar birinshi orınlardı jeńip alıwǵa miyasar bolıp, tańlawdıń Qaraqalpaqstan Respublikası basqıshına jollamalardı qolǵa kirgiziwge eristi.
Ótkerilgen tańlaw juwmaǵında, jeńimpazlar shólkemlestiriwshiler tárepinen arnawlı diplom hám estelik sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı