Keshe Braziliyada boks boyınsha Jáhán kuboginiń dáslepki kúndegi bellesiwleri óz juwmaǵına jetti.

Onda Ózbekstan saylandı komandası quramında -80 kg salmaqta Javohir Ummataliev, -55 kg da Mirazizbek Mirzahailiov, -70 kgda Iqboljon Xoldarovlar óz qarsılasların jeńip shıǵıp, kuboktiń kelesi basqıshına jollamanı qolǵa kirgizdi.
Búgin saylandı komandamız quramında jáne úsh boksshimiz ringke shıǵadı. Áhmiyetli tárepi sonda bul jarısta -60 kg salmaqta qatnasıp atırǵan respublikamız wákili Madiyar Daniyarov túngi saat 23-15 te italiyalı Mishel Baldassi menen bellesiwge túsedi.
Sonday-aq, jarısta saylandı komandamız aǵzası Asilbek Jalilov -50 kg salmaqta qazaqstanlı Nurzat Ońǵarov penen, -85 kg salmaqta Akmaljon Isroilov shveycariyalı Leonid Berisha menen sherek final jollaması ushın óz-ara gúres júrgizedi.

Adilbay Orazov,
Qaraqalpaqstan xabar agentligi sholıwshısı.