Ózbekstan Respublikası Prezidentiniń «Máhálle qıytaq jerlerinen nátiyjeli paydalanıwdı shólkemlestiriw arqalı xalıqtıń bántligi hám dáramatların arttırıwǵa qaratılǵan jumıslardı jáne de jedellestiriw haqqında»ǵı 18-sanlı biyligi qabıl etilgen edi. Usı biyliktiń orınlanıwın támiyinlew ushın Beruniy rayonına Xalıq banki AJ biriktirilgen.

Xalıq banki xızmetkerleri tárepinen hár bir máhállede sociallıq reestrge kirgizilgen hám kem dáramatlı shańaraqlarǵa járdem kórsetiw boyınsha ushırasıwlar ótkerip kelmekte.
Gezektegi usınday ushırasıw Beruniy rayonı hákiminiń birinshi orınbasarı U.Matirzaev hám Xalıq banki basqarma baslıǵınıń orınbasarı D.Kutliev Azat awıl puqaralar jıyınında kóshpeli qabıllaw tártibinde bolıp ótti,- dep maǵlıwmat beredi Beruniy rayonı hákimligi Málimleme xızmeti bóliminiń baslıǵı A.Urazova.
Onda, usı biylik tiykarında ámelge asırılıp atırǵan jumıslar boyınsha keń túsinikler berildi.
Sonday-aq, kámbaǵal shańaraqlarǵa jaratılıp atırǵan imkaniyatlardıń nátiyjesinde xalıqtı kámbaǵallıqtan shıǵarıw hám dáramatlı etiw baǵdarındaǵı rejeler haqqında sóz etildi.

Qaraqalpaqstan xabar agentligi