Prezident Vladimir Putin franciyalı kásiplesi Еmmanuel Makronnıń Rossiyanı Evropa ushın qáweterli dep ataǵan sózine múnásibet bildirdi.

RF jetekshisi 1812-jılı Napoleon Bonaparttıń Rossiyanı jawlap alıwındaǵı áwmetsiz urısın eske alıp, Makronnıń pikirlerine mısqıllap juwap berdi, dep jazdı «Euronews» basılımı.
Bul haqqında ol Ukrainaǵa hújim nátiyjesinde qurban bolǵan áskerlerdiń anaları hám jesirleri menen ushırasıwda aytqan.
Makron sárshembi kúni óz xalqına televidenie arqalı etken keshki múrájatında Rossiyanı «Franciya hám Evropaǵa qáwip» sıpatında bahalap, «materiktegi awqamlaslardı yadrolıq toqtatıwshı qural menen qorǵaw boyınsha strategiyalıq pikir talas baslawǵa qarar etkeni»n ayttı.
Putin bolsa Makronnıń atın tilge almay, bılay degen: Ayırımlar elege shekem bir orında otıra almay atır. Napoleonnıń dáwirine qaytıwdı qálep atırǵanlar da bar, olar bul urıs qalay tamam bolǵanın umıtpaqta.

Qaraqalpaqstan xabar agentligi