Ózbekstan Respublikası Oliy Majlisi Senatınıń tórtinshi jalpı májilisi óz jumısın dawam ettirmekte. Onda Senat hám Húkimet aǵzaları, ministrlik hám uyımlardıń basshıları, ǵalaba xabar qurallarınıń wákilleri qatnaspaqta.

Senat Baslıǵı Tanzila Norboeva basqarıp atırǵan jalpı májilis videokonferencbaylanıs sistemasınan paydalanǵan halda ótkerilmekte. Jalpı májilis Senattıń YouTube tarmaǵındaǵı rásmiy beti arqalı onlayn sáwlelendirilmekte.
Jalpı májilistiń ekinshi jumıs kúninde shıǵındılardı toplaw hám alıp shıǵıw xızmetlerin kórsetiw tarawında tólem tártibin bekkemlew, donorlıq háreketin qollap-quwatlaw, shańaraq hám hayal-qızlardı qollap-quwatlaw sistemasın jetilistiriw, xalıqqa sud dodalawlarında aralıqtan qatnasıw ushın jáne de qolaylı sharayatlar jaratıw, jazanı orınlaw mákemelerinde jaza múddetin ótep atırǵan qamaqtaǵılar ushın aralıqtan video-ushırasıwlar ótkeriw, Jınayat kodeksiniń 244-statyasına ózgeris kirgiziwge baylanıslı nızamlar kórip shıǵıladı.
Májiliste kórip shıǵılatuǵın barlıq máselelerdi tolıq sáwlelendirip baramız.

N.Abduraimova, N.Haydarov (súwret), ÓzA