Stambulda Túrkiy mámleketler shólkemi (TMSh) sheńberinde Insan resursları boyınsha seminar bolıp ótti. Túrkiya Respublikası Prezidenti Insan resursları basqarmasınıń baslaması menen shólkemlestirilgen ilajǵa Ózbekstan delegaciyası da qatnastı.

Seminarda qatnasıwshılar insan resursların basqarıw hám potencialın arttırıw baslamaları boyınsha tájiriybe almastı.
Dodalawlarda tiykarǵı itibar institucionallıq tiykarlardı jetilistiriw, TMSh mámleketleri arasında birge islesiwdi bunnan bılay da bekkemlew hám qábiletlerdi rawajlandırıwda innovaciyalıq kózqaraslardı qollap-quwatlawǵa qaratıldı.
Ushırasıw dawamında Ózbekstan tárepi barlıq qatnasıwshılardı 2025-jıl 23-25-iyun kúnleri Samarqand qalasında bolıp ótetuǵın BMShtıń Mámleketlik xızmet forumına qatnasıwǵa mirát etti.
Ushırasıw juwmaǵında tárepler insan resursları tarawında birge islesiwdi bunnan bılay da rawajlandırıwǵa umtılısların bildirip, aldaǵı rejelerdi dodaladı.

N.Abduraimova,
ÓzAnıń xabarshısı