Sanlı texnologiyalar ministrliginde gezektegi ekonomikalıq oqıw shólkemlestirildi. Onda Ministrler Kabinetiniń juwapkerleri, ministrliktiń oraylıq apparatı, aymaqlıq sektorlar hám sistemadaǵı kárxana, shólkem hám mákemelerdiń wákilleri qatnastı.
Oqıw dawamında tarawda investiciya joybarların ámelge asırıw mexanizmleri, Xalıqaralıq qarjı institutları hám sırt el húkimetiniń qarjı shólkemleri menen birgelikte joybarlardı ámelge asırıwdıń jańa tártibi boyınsha maman qánigeler tárepinen prezentaciyalar ótkerildi.
Bul ekonomikalıq oqıw tarawǵa investiciya kirgiziw boyınsha bar imkaniyatlardı keńeytiw, xalıqaralıq qarjı institutları menen birge islesiwdi bekkemlew, sonday-aq, sanlı texnologiyalar tarawında innovaciyalıq joybarlardı qollap-quwatlaw maqsetinde shólkemlestirildi.
Sonday-aq, sanlı texnologiyalar tarawına investiciyalar hám grantlardı keńnen tartıwdıń áhmiyetli máseleleri, ámeldegi nızamshılıq sheńberinde jaratılǵan qolaylıqlar, qarjı resursların nátiyjeli paydalanıw strategiyaları máselesine de itibar qaratıldı.
Prezentaciya dawamında tıńlawshılar ózlerin qızıqtırǵan sorawlarǵa juwap aldı. Tarawǵa investiciyalardı jáne de kóbirek tartıw boyınsha aldınǵı tájiriybeler úyrenildi.

N.Rahmanova, ÓzA