Ullı mámleketlik ǵayratker, shayır hám ilimpaz Zahiriddin Muhammed Babur Quranı Kárimge hám islamiy ilimlerge úlken húrmet penen qatnasta bolǵan.

Onıń eki pármanında 50 den artıq oyati karimalar keltirilgen bolıp, bul ullı shaxstıń tereń bilimli ilimpaz hám aǵartıwshı insan bolǵanın kórsetedi.
Parsı tilindegi bul pármanlar awdarmalanıp, Ózbekstandaǵı Islam civilizaciyası orayı hám Babur atındaǵı xalıqaralıq jámiyetlik fondınıń járdeminde basıp shıǵarılǵan 6 tomlıq kollekciyadan orın alǵan.
Babur Mırza arab álipbesin ápiwayılastırǵan hám onı «Xatti Baburiy» dep ataǵan. Bul álipbede Quranı Kárimdi kóshirtip, onı Mákke qalasına jibergen. Xatti Baburiyda jazılǵan Quranı Kárimniń áyyemgi qoljazbası házirgi kúnde Irandaǵı Mashhad muzeyinde saqlanbaqta.
Babur Mırzanıń ilimiy jumısın úyreniwde jańa imkaniyatlardı ashatuǵın bul teńsiz nusqa Ózbekstandaǵı Islam civilizaciyası orayı Quran bólimi ekspoziciyasınan orın alıwı názerde tutılǵan.

N.Rahmonova, ÓzA