BAÁniń Dubay qalasında bólip atırǵan Pútkil jer júzilik húkimetiniń sammiti (World Government Summit) xalıqaralıq ánjumanı mámleketlik basqarıw hám mámleketlik xızmettiń rawajlanıw perspektivaları, ekonomikalıq hám sociallıq rawajlanıwda jasalma intellekttiń ornı, mámleketlik basqarıwdaǵı mashqalalarǵa innovaciyalıq sheshimler boyınsha usınıslar islep shıǵıwǵa qaratılǵan.

Sanlı texnologiyalar ministri Sherzod Shermatov ánjuman sheńberinde dúzilgen «Is the World Ready for the Next Wave of Digital Disruption?» sessiyasında shıǵıp sóyledi.
Bul sessiyada húkimet hám texnologiya tarawındaǵı birge islesiwlerdiń rawajlanıwı tallandı. Dodalawda jasalma intellekt, maǵlıwmatlardı tallaw hám bulıtlı texnologiyalar járdeminde mámleketlik xızmetlerdi rawajlandırıw boyınsha tabıslı tájiriybeler kórip shıǵıldı. Bul texnologiyalardıń nátiyjelilik, ashıq-aydınlıq hám puqaralar menen óz-ara baylanıstı jaqsılawdaǵı roli dodalandı.
Bul dodalawda texnologiyalar hám mámleketlik basqarıwdıń óz-ara integraciyalanıwı arqalı aqıllı hám nátiyjeli mámleketlik xızmetler qáliplesiwi hám sanlı húkimet keleshegi qanday bolatuǵını haqqındaǵı máseleler tallandı.

N.Rahmonova,
ÓzA