Mámleketimiz sırtqı siyasat uyımı basshısınıń birinshi orınbasarı Bahromjon Ayloev keshe Qatar elshisi Hasan bin Hamza Hoshim menen ushırastı.

Sırtqı isler ministriliginiń maǵlıwmatına qaraǵanda, ushırasıwda Ózbekstan-Qatar strategiyalıq sherikliginiń búgingi jaǵdayı hám onı rawajlandırıw perspektivaları dodalanıp, joqarı dárejedegi sóylesiwler dawamında erisilgen kelisimlerdiń tolıq ámelge asırılıwın támiyinlewge qaratılǵan wazıypalar belgilep alındı.
Tárepler sonday-aq, hár túrli dárejedegi bolajaq birgeliktegi ilajlardıń kestesi hám kún tártibi boyınsha pikir alıstı.

Qaraqalpaqstan xabar agentligi