Mámleketimizde shańaraqlardıń búgingi jaǵdayın tallaw, olardıń qurılıwı hám bekkemligine tásir etiwshi faktorlardı úyreniw boyınsha tallawlar alıp barılmaqta.

«Sociallıq pikir» respublikalıq jámiyetshiliktiń pikirin úyreniw orayı tárepinen «Ózbekstanda zamanagóy shańaraq» temasındaǵı jámiyetshilik pikiri sorawın ótkermekte.
Izertlewdiń maqseti elimizde shańaraqtıń payda bolıwı hám rawajlanıw ózegeshelikleri, oǵan tásir etiwshi unamlı hám unamsız faktorlar, búgingi zamanagóy jámiyette shańaraqlardaǵı tiykarǵı ózgeshelikler hám kelispewshilikler, shańaraqtaǵı jumıs háreketi haqqında puqaralarımızdıń pikir-usınısların úyreniw bolıp esaplanadı.
Sonday-aq, bul arqalı shańaraqlarda neke shártnamaları hám onıń roli haqqında xalıqtıń kózqarasları úyrenilip, tallanadı.
Izertlewde mámleketimizdiń barlıq regionlarında jasawshı puqaralar, ekonomikanıń mámleketlik hám jeke menshik sektorlarında bánt bolǵan hár qıylı milletler hám sociallıq qatlamlardıń wákilleri qatnasıwı múmkin.

M.Hojiakbarova, ÓzA