Mámlekette engizilgen nızamlardıń qay dárejede nátiyjeli ekenin xalıqtıń turmısında bolıp atırǵan ózgerislerden ańlaw múmkin.
Usı kúnlerde Ózbekstan Sudyalar joqarı keńesi janındaǵı Sudyalar mektebi USAID joybarı hám BMSh Balalar qorı (UNICEF) menen birgelikte sırt elli ekspert Tomas Roulings (AQSh)tiń qatnasıwında Sudyalar joqarı mektebi professor-oqıtıwshıları hám puqaralıq isleri boyınsha sudlardıń sudyaları ushın «Bala huqıqların sudlarda qorǵaw mexanizmi», «Xalıqaralıq standartlar hám principlerdi ámelde qollanıw», «Bala huqıqları haqqındaǵı konvenciyanıń tiykarǵı qaǵıydaları, olardıń ámelde qollanılıwı» sıyaqlı temalarda treningler ótkerilmekte.
Oqıw sabaqları dawamında balalardıń ádil sudlawǵa erisiwi hám nızam menen qarama-qarsılıqta bolǵan balalar ushın ayrıqsha kózqarasqa qaratılǵan xalıqaralıq standartlar, BMSh Bala huqıqları haqqındaǵı konvenciyasınıń tórt tiykarǵı principleri (aman qalıw hám rawajlanıw huqıqı, kemsitpew, balalardıń máplerin qorǵawdı támiyinlew procesinde qatnasıwı), Balalar hám jas óspirimler psixologiyası, olardıń rawajlanıw basqıshların túsiniw, túrli jastaǵı balalar menen doslıq qatnasıqta bolıw sıyaqlı temalar tereń tallanıp, ámeliy processler menen bekkemlenbekte.

Musulmon Ziyo, Doniyor Yoqubov (video), ÓzA