MǴKA Ózbekstan máhálleleri associaciyası juwapkerleriniń qatnasıwında baspasóz ánjumanı shólkemlestirildi. Atap ótiliwinshe, házirgi kúnde hár bir máhálleniń «Qoymaxana» dápteri islep shıǵılǵan bolıp, bul dápterge muwapıq, máhálle infrastrukturasın jaqsılaw boyınsha reformalar ámelge asırılǵan.
Atap ótiliwinshe, 9 mıń 452 máhállede 2 mıń 329 miynet yarmarkası shólkemlestirilgen, 191 mıń 366 xalıqtıń bántligi támiyinlengen. 276 mıń 652 xojalıq ońlap berilgen, 2 million 826 xojalıqta qosımsha dáramat dáregi jaratılǵan.
Qánigelerdiń atap ótiwinshe, aymaqlarda 856 mıń 193 kámbaǵal shańaraqta 4 millionnan artıq xalıq jasaydı. Olardıń 770,4 mıńı jumıssız puqaralar bolıp tabıladı. Jumıssız puqaralardan 1 mıń 761i jámiyetlik jumıslarǵa tartılǵan, 16 mıń 559 shańaraqqa napaqa tayınlanǵan. 1 mıń 763 xalıqtıń turaq jayı ońlap berilgen, 3 mıń 599 puqaraǵa 25,1 milliard sumlıq subsidiya ajıratılǵan.
Sonday-aq, orınlarda kámbaǵallıqtı qısqartıw maqsetinde 4 mıń 684 puqaraǵa 40,3 milliard sum átirapında kredit ajıratılǵan. 6 mıń 645 shańaraqqa 11,8 milliard sumlıq materiallıq járdem kórsetilgen, 2 mıń 729 puqaranıń emlewxanalarda emleniwi ushın járdem berilgen.
Migraciyada júrgen puqaralarǵa járdem beriw maqsetinde Tashkent qalası, Samarqand, Nawayı wálayatınan tısqarı barlıq aymaqlarda 974 mıń 269 migraciyada júrgen puqara xatlawdan ótkerilgen. «Migraciya balansı» qáliplestirilgen hám «Sanlı máhálle» platformasına kirgizilgen. Migraciyada qıyın jaǵdayda qalǵan 418 mıń 764 puqara elimizge qaytarılǵan hám olardan 210 mıń 170i jumısqa jaylastırılǵan.

Muhayyo Toshqoraeva,
ÓzA