Bul haqqında Prezident Shavkat Mirziyoevtiń basshılıǵında xalıq múrájatları menen islesiw sistemasın jetilistiriw boyınsha ótip atırǵan videoselektor májilisinde atap ótildi.
Ótken jılı Xalıq qabıllawxanasına Qarshı qalası turǵınlarınan kelip túsken 11 mıń múrájat tallandı.
Mısal ushın, Qarshı qalasındaǵı 255 adam aliment tólewden bas tartıp júrgeniniń sebepleri úyrenilgende, olardıń 193 i kásip-óneri bolsa da jumıssız ekeni, jáne 62 si dáramatın azaytıp kórsetip atırǵanı anıqlandı.
Bul processte hákimlik, bankler hám hákim járdemshileri, qalalıq bántlik hám MOB bólimleri birgelikte islep, puqaralardı isbilermenlikke tartadı, jumıssızlardı aymaqtaǵı sanaat hám servis kárxanalarındaǵı vakant orınlarǵa jaylastıradı. Sırt elde jumıs islew niyetinde bolǵan aliment tólewshiler menen úsh tárepleme shártnama dúzip, til hám kásipke úyretip, sırt elge joqarı dáramatlı jumıslarǵa jiberedi.
Qalalıq salıq inspekciyası bolsa Bas prokuratura departamenti menen birgelikte dáramatın jasırıp kiyatırǵanlardıń jumısın “sayadan” shıǵaradı.
Sonda aliment tólewshilerdiń qaramaǵında bolǵan 700 ge shamalas balanıń materiallıq támiynatı ózgeretuǵını atap ótildi.
ÓzA