Kóksaray rezidenciyasında Xalıqaralıq hayal-qızlar kúni múnásibeti menen bayram ilajı dawam etpekte.
Prezidentimiz hár qıylı tarawlardaǵı miyneti, talantı hám aqıl-oyı menen Jańa Ózbekstandı qurıwǵa múnásip úles qosıp kiyatırǵan hayal-qızlarımızǵa, xalıqaralıq maydanlarda Watanımızdı dúnyaǵa tanıtıp atırǵan qızlarımızǵa, olardıń ata-anaları, ustaz hám tárbiyashılarına shın júrekten minnetdarshılıq bildirdi.
Hayal-qızlardı jumıslı hám dáramatlı etiw máselesi bárqulla dıqqat orayında.
Ótken jılı hayal-qızlardıń bántligin támiyinlew hám olardı isbilermenlikke tartıw maqsetinde 23,5 trillion sum kredit qaratıldı. Sonıń esabınan 425 mıńnan aslam apa-qarındaslarımız isbilermenlikke tartıldı.
Mısal ushın, toqımashılıq tarawında 300 hayaldı bánt etken Yangiariqlı Nargiza Bekmuratova ótken jılı ekinshi fabrikanı ashıp, jáne 100 jumıs ornın jarattı. Bul isbilermen qızımız 2025-jılı Anqara qalasında ótkerilgen xalıqaralıq tańlawda “Hayal-qızlar ushın eń kóp jumıs ornın jaratqan isbilermen hayal” nominaciyasınıń jeńimpazı boldı.
– Men bunday ǵayratlı qızlarımızdı Jańa Ózbekstan dóretiwshileri dep bilemen. Olardı hár qanday qollap-quwatlawǵa tayarman, – dedi Prezidentimiz.

ÓzA