Ózbekstan Respublikası Prezidenti Shavkat Mirziyoev 5-mart kúni Ázerbayjan Respublikası Prezidenti Ilham Aliev penen telefon arqalı sóylesti.
Sóylesiw aldınan mámleketimiz basshısı Ázerbayjan aymaǵına ushıwshısız ushıw apparatları menen shólkemlestirilgen hújimlerdi keskin qaralap, jaraqatlanǵanlardıń tez arada sawalıp ketiwin tiledi.
Sońǵı kúnlerde Jaqın Shıǵıs regionında baqlanıp atırǵan keskinliktiń háwij alıwı kóplegen tınısh xalıqtıń qurban bolıwına alıp kelip atırǵanı hám ayrıqsha qáweter oyatıp atırǵanı ayrıqsha atap ótildi.
Múbárek Ramazan ayında júz berip atırǵan bunday waqıyalar ulıwma insanıylıq qádiriyatlarǵa, xalıqaralıq normalar hám mámleketlerdiń aymaqlıq pútinligi principlerine qayshı ekeni atap ótildi.
Ózbekstan jetekshisi puqaralarımızdı Irannan Ázerbayjan aymaǵı arqalı qáwipsiz evakuaciya etiw boyınsha kórilip atırǵan ilajlar hám jaratılıp atırǵan sharayatlar ushın Ilham Alievke minnetdarshılıq bildirdi.
Ázerbayjan Prezidenti, óz gezeginde, mámleketimiz basshısına doslıq ruwxındaǵı sáwbet hám sınaqlı waqıtlarda kórsetilgen járdem ushın ayrıqsha minnetdarshılıq bildirdi.
ÓzА