Prezident Shavkat Mirziyoevtiń basshılıǵında farmacevtika tarawın rawajlandırıw boyınsha tiykarǵı wazıypalarǵa baǵıshlanǵan videoselektor májilisi baslandı. Ilajda farmacevtika kárxanalarınıń wákilleri de qatnaspaqta.
Mámleketimiz basshısı bul taraw insan salamatlıǵı, turmıs sapası, kerek bolsa, ekonomikalıq qáwipsizlik penen de baylanıslı ekenin atap ótti.
Jaratılǵan sharayatlar esabınan keyingi toǵız jılda tarawǵa 1,8 milliard dollar investiciya kirgizilip, 140 jańa quwatlıq iske qosıldı, kárxanalardıń sanı 300 den astı, sonnan 58 i dári islep shıǵarıwshılar bolıp esaplanadı.
Óndiris kólemi 3,5 esege ósip, 7 trillion 300 milliard sumnan arttı, jergilikli dári-dármaqlar bolsa 2 esege kóbeydi. Ózimizde islep shıǵarılıp atırǵan farmacevtika ónimleri 55 mámleketke kirip bardı. Farmacevtika tarawındaǵı jumıs orınlarınıń sanı 40 mıńnan astı.
Ulıwma, Ózbekstanda dári quralları hám medicinalıq buyımlar bazarı 2,5 milliard dollarǵa shamalastı.

ÓzA