Usı jıl 3-marttaǵı PQ-75-sanlı qarar menen kibersport, dron hám robot texnologiyaları baǵdarındaǵı zamanagóy sport túrleri boyınsha jarıs shólkemlestiriledi.
Jarıslar tómendegi basqıshlarda ótkeriledi:
1-basqısh – ministrlikler hám uyımlarda hár jılı avgust ayında “Áskeriy bólim (mákeme) komandiri (baslıǵı) kubogi” ishki jarısı;
2-basqısh – hár jılı oktyabr ayında “Áskeriy okrug áskerleri sárkardası kubogi” jarısı;
3-basqısh – hár jılı dekabr ayında “Qorǵanıw ministri kubogi” jarısı ótkeriledi.
Qararǵa bola, jarısta jeńimpaz bolǵan áskeriy xızmetkerler tómendegishe xoshametlenedi:
• 1-basqıshta jeńimpaz bolǵan komandanıń hár bir aǵzası 10 million sumnan bir márte tólenetuǵın aqshalay sıylıq jáne komanda ushın áskeriy bólim (mákeme) komandiri (baslıǵı) kubogi;
• 2-basqıshta jeńimpaz bolǵan komandanıń hár bir aǵzası bir márte tólenetuǵın 30 mln sum aqshalay sıylıq jáne komanda ushın áskeriy okrug áskerleri sárkardası kubogi;
• 3-basqıshta jeńimpaz bolǵan komandanıń hár bir aǵzası bir márte tólenetuǵın 50 mln sum aqshalay sıylıq jáne komanda ushın qorǵanıw ministriniń kubogi.
Qorǵanıw ministrligi jarıslardı shólkemlestiriw hám ótkeriw boyınsha muwapıqlastırıwshı uyım bolıp esaplanadı.
Jarısta qatnasatuǵın hám saylap alınǵan áskeriy xızmetkerlerdiń esabın júrgiziw maqsetinde xızmet sheńberinde paydalanıw ushın mólsherlengen birden-bir elektron reestr engiziledi.

Qaraqalpaqstan xabar agentligi