Senatta Tashkent qalasındaǵı bir qatar sırt el hám mámleketlik joqarı bilimlendiriw mákemeleriniń studentleri jáne Ózbekstan jasları pútkil jer júzilik associaciyasınıń Ullı Britaniyadaǵı belsendi jasları menen ushırasıw bolıp ótti.
Ushırasıwda jaslar Senat hám Jaslar parlamentiniń jumısı, nızam dóretiwshiligi procesi, sonday-aq, senatorlardıń jumıs tártibi menen jaqınnan tanıstı.
Senator Malika Qodirxonova parlament reformaları, nızam dóretiwshiligi procesinde jaslardıń qatnasın keńeytiw baǵdarında alıp barılıp atırǵan jumıslar hám jaslar menen ashıqtan-ashıq sóylesiwdiń áhmiyetine toqtap ótti.
Ilaj dawamında Jaslar parlamentiniń baslıǵı Laylo Aslonova Prezidenttiń jaslar menen jaqında ótkergen ushırasıwında alǵa qoyılǵan baslamalar, sonday-aq, jaslarǵa baylanıslı mámleketlik siyasattıń tiykarǵı baǵdarları haqqında maǵlıwmat berdi.
Ushırasıw juwmaǵında student-jaslar ózlerin qızıqtırǵan sorawlarǵa juwap aldı.
***
Senat janındaǵı Jaslar parlamenti hám Ózbekstan jasları pútkil jer júzilik associaciyası arasında birge islesiw máselelerin dodalawǵa baǵıshlanǵan ushırasıw ótkerildi.
Sóylesiwde sırt elde miynet etip atırǵan hám bilim alıp atırǵan ózbekstanlı jaslardıń usınıs hám baslamaların nızamshılıq dárejesine alıp shıǵıw mexanizmin jaratıw, jaslar menen turaqlı pikirlesiwdi jolǵa qoyıw hám huqıqıy jaqtan sociallıq joybarlar shólkemlestiriw máseleleri kórip shıǵıldı.
Endi sırt eldegi jas qánigeler hám ilimpazlar nızam joybarların dodalawǵa ekspert sıpatında tartıladı jáne “Sırt eldegi jaslar – parlament penen pikirlesiw” turaqlı platforması jaratıladı.
Ushırasıw juwmaǵında Ózbekstannıń globallıq intellektuallıq potencialın parlament jumısı menen integraciyalawǵa qaratılǵan birge islesiw memorandumına qol qoyıldı.

N.Abduraimova,
ÓzA