Qońırat rayonı IIB janındaǵı Migraciya hám personallastırıw bólimi tárepinen xalıqqa qolaylıqlar jaratıw, ásirese, rayon orayınan alıs aymaqlarda jasaytuǵın puqaralardıń uzaǵın jaqın etiw maqsetinde gezektegi kóshpeli qabıllaw shólkemlestirildi.

Bunday ilajlar xalıqtıń mámleketlik xızmetlerden paydalanıwında qolaylılıq jaratıw, hár qıylı tosqınlıqlardı azaytıw hám puqaralarǵa jáne de jaqın bolıw principi tiykarında shólkemlestirilmekte.
Kóshpeli xızmet “Jaslıq” posyolkasında ótkerilip, onda Ózbekstan Respublikası puqarasınıń shaxsın tastıyıqlawshı ID-kartasın rásmiylestiriw boyınsha hújjetler qabıl etildi. Arnawlı planshet qurılmaları járdeminde jámi 18 puqaranıń biometrikalıq hám biografiyalıq maǵlıwmatları ornında rásmiy tártipte qabıl etildi.
Sonday-aq, fizikalıq imkaniyatı sheklengen hám járdemge mútáj puqaralardıń mashqalasın jeńilletiw maqsetinde juwapker xızmetkerler olardıń jasaw mánzillerine barıp, biometrikalıq maǵlıwmatların aldı.

Qaraqalpaqstan xabar agentligi