Oliy Majlis Nızamshılıq palatasındaǵı Ózbekstan Ekologiyalıq partiyası frakciyasınıń gezektegi májilisi bolıp ótti. Onda frakciya aǵzalarınıń saylaw okruglerindegi úyreniw juwmaqları kórip shıǵıldı.
26-28-fevral kúnleri frakciya aǵzaları saylaw okruglerindegi úyreniwleri dawamında 41 máhálle puqaralar jıyınında bolıp, “máhálle jetiligi”niń jumısı menen tanıstı. Máhállelerde huqıqbuzarlıqlardıń aldın alıw, jámiyetlik tártipti saqlaw hám qáwipsiz ortalıqtı támiyinlew baǵdarında alıp barılıp atırǵan jumıslardıń jaǵdayı úyrenildi.
Ushırasıwlarda 3,5 mıńǵa shamalas puqara, sonıń ishinde, 90 isbilermen menen tikkeley sóylesiw ótkerilgen. 47 sociallıq taraw obekti, 30 isbilermenlik subekti jumısı ornına shıqqan halda tanıstırılǵan.
Dodalawlar procesinde ayırım aymaqlarda infrastruktura, ishimlik suwı támiynatı, turmıslıq shıǵındılardı óz waqtında alıp shıǵıw, bilimlendiriw hám densawlıqtı saqlaw mákemeleri menen baylanıslı ayırım máseleler bar ekenligi atap ótilip, olardı tiyisli ministrlik hám uyımlar menen birgelikte sheshiw ilajları belgilep alındı.
Sonday-aq, májiliste Oliy Majlis Nızamshılıq palatası janındaǵı Jaslar parlamenti Ózbekstan Ekologiyalıq partiyası toparı aǵzalarınıń 2025-jıldaǵı jumısı hám 2026-jılda ámelge asırılatuǵın tiykarǵı wazıypaları dodalandı.
Jaslar parlamenti toparınıń 2026-jılǵa mólsherlengen jumıs rejesin mámleketimiz basshısınıń jaslar menen sóylesiwinde belgilep bergen wazıypalarınan kelip shıǵıp jáne de jetilistiriw, onı ámeliy jumıslar hám anıq mexanizmler menen bayıtıw boyınsha tiyisli usınıslar berildi.

M.Komilova, ÓzA