Izrail hám Palestina arasındaǵı kelispewshilik boyınsha bir qansha kelisim hám shártnamalar dúzilgenine qaramastan, elege shekem insanlar qaytıs bolmaqta.
Tallawlarǵa bola, Gazada 2025-jıl 10-oktyabrde tınıshlıq kúshke kirgeninen berli Izrail hújimleri aqıbetinde 630 adam qaytıs bolǵan, 1698 adam jaralanǵan, wayran bolǵan imaratlardıń astınan 735 qaytıs bolǵanlardıń denesi tabılǵan.
2023-jıl oktyabr ayınan berli Izrail armiyasınıń Gaza sektorına hújimleri aqıbetinde qaytıs bolǵanlardıń ulıwma sanı 72 097 adamǵa jetti.
Xabarlarǵa bola, Izrail armiyası kelisimge qaramastan, Gaza sektorına soqqı beriwdi dawam ettirmekte.
Gaza Densawlıqtı saqlaw ministrliginiń bildiriwinde atap ótiliwinshe, sońǵı 24 saat ishinde Gaza sektorındaǵı emlewxanalarda 1 adam qaytıs bolǵan hám 5 adam jaraqatlanǵan. Aymaqtaǵı wayran bolǵan imaratlardıń astında elege shekem mıńlaǵan adamlardıń deneleri qalmaqta.

G.Sattorova, ÓzA