«Apple” kompaniyası eń arzan smartfonlar qatarına kiretuǵın jańa «iPhone 17e” modelin rásmiy túrde tanıstırdı. 4-marttan baslap usı qurılma ushın buyırtpa qabıl etiledi, ashıq sawda bolsa 11-marttan baslanadı.
“iPhone 17e” sırtqı kórinisi 16e modeline uqsas: dizayn hám ekran ólshemi derlik ózgermegen. Kompaniya bul saparı da ekran joqarısındaǵı bólimdi saqlap qaldı.
Tiykarǵı ózgeris ishki imkaniyatqa qaratılǵan, bekkemlik kúsheytilgen, “Ceramic Shield” eki qaplamalı qorǵanıw menen támiyinlengen. Sonday-aq, jańa áwlad A19 processorı hám “MagSafe” sımsız quwatlaw texnologiyası qollap-quwatlanǵan. Usı tárepi jańa telefondı funkcionallıq jaqtan qımbatıraq “iPhone 17e” modeline jaqınlastıradı.
Súwretke alıw sisteması da sezilerli dárejede jaqsılanǵan: smartfon 48 megapikselli tiykarǵı kamera menen úskenelengen. Ishki yad kólemi aldınǵı versiyaǵa salıstırǵanda eki esege, 256 GB ǵa shekem arttırılǵan.
Baha máselesine kelsek, «iPhone 17e” niń baslanǵısh bahası 599 dollardan baslanadı. Qurılma qara, aq hám qızǵısh reńlerde usınıs etildi.

ÓzA