Húkimet qararı menen “Qorshaǵan ortalıqqa tásir kórsetiw boyınsha I hám II kategoriyalarǵa tiyisli sanaat kárxanalarınıń qorshaǵan tábiyǵıy ortalıqqa tásirin azaytıw háreketlerin qollap-quwatlaw tártibi haqqında”ǵı reje tastıyıqlandı.
Qararǵa bola, sanaat kárxanalarınıń qorshaǵan tábiyǵıy ortalıqqa tásirin azaytıw háreketleri tómendegi tártipte qollap-quwatlanadı:
1-basqıshta atmosfera hawasınıń pataslanıwı fon monitoringi stanciyasın (monitoring stanciyası) ornatqan sanaat kárxanasına:
– tábiyatqa zıyan jetkeriw boyınsha kompensaciya tólemlerinen qáliplesken qarızdarlıqtan waz keshiledi;
– tábiyatqa zıyan jetkeriw boyınsha respublikalıq byudjetke qaratılatuǵın kompensaciya tólemleriniń 50 procenti 2 jıl dawamında qaytarıladı.
2-basqıshta monitoring stanciyasın ornatqan sanaat kárxanası kelesi 1 jıl dawamında shań-gaz hám lokal aqaba suw tazalaw úskenelerin ornatqanda, tábiyatqa zıyan jetkeriw boyınsha respublikalıq byudjetke qaratılatuǵın kompensaciya tólemleriniń 70 procenti 2 jıl dawamında qaytarıladı.
Sanaat kárxanası monitoring stanciyası, shań-gaz hám (yamasa) lokal aqaba suw tazalaw úskenesin ornatqanı haqqında Mámleketlik xızmetler orayları yamasa BIMXP (my.gov.uz (https://my.gov.uz/)) arqalı Ekologiya komitetine xabarnama jiberedi.
Xabarlama hám oǵan qosımsha etilgen hújjetler Ekologiya komiteti tárepinen xabarlama kelip túsken kúnnen baslap 15 jumıs kúninen aspaǵan múddette kórip shıǵıladı.
Úyreniw nátiyjesi boyınsha sanaat kárxanasın xoshametlew haqqında Ekologiya komitetiniń juwmaǵı rásmiylestiriledi.

ÓzA