Berdaq atındaǵı Qaraqalpaq mámleketlik universitetinde “Keleshekke qádem” baǵdarlaması sheńberinde pitkeriwshi kurs studentleriniń bántligin támiyinlew máselelerine baǵıshlanǵan ushırasıw bolıp ótti.

Ushırasıwda tájiriybeli isbilermen I.Pirniyazov, Oliy Majlis Nızamshılıq palatası janındaǵı Jaslar parlamentiniń Jaslar isbilermenligi, básekini rawajlandırıw hám sanaat máseleleri komitetiniń baslıǵı, «RBG COMPANY» JShJ baslıǵı B.Radjabov, «Wzagrosuǵurta» AJ hám “Keleshekke qádem” orayınıń joybar wákilleri qatnastı.
Ushırasıw dawamında pitkeriwshi studentlerdi jumıs penen támiyinlew, olardıń kásiplik kónlikpelerin rawajlandırıw, isbilermenlik jumısına tartıw hám ámeliy tájiriybe arttırıw imkaniyatları haqqında tolıq maǵlıwmatlar berildi. Búgingi miynet bazarınıń talapları, jas qánigelerden kútilip atırǵan mamanlıq hám kompetenciyalar, sonday-aq, óz biznesin baslaw ushın bar imkaniyatlar boyınsha usınıslar bildirildi.
Sonday-aq, studentlerge mámleket tárepinen jaslar isbilermenligin qollap-quwatlaw mexanizmleri, jeńilletilgen kreditler, qamsızlandırıw xızmetleri hám startap joybarlardı ámelge asırıw boyınsha jaratılǵan sharayatlar haqqında túsinikler berildi.
Ilaj ashıq sóylesiw tárizinde ótkerilip, studentler ózlerin qızıqtırǵan sorawlarǵa juwap aldı.

Qaraqalpaqstan xabar agentligi