Birlesken Arab Ámirliklerinde bolıp turǵan Ózbekstan Respublikası puqaralarına áhmiyetli eskertiw járiyalandı.
Málim etiliwinshe, regiondaǵı jaǵdaydıń keskinlesiwi hám hawa aymaǵınan, sonıń ishinde BAÁ aymaǵınan paydalanıwǵa waqtınsha sheklewler engizilgeni sebepli jaqın kúnlerde Ózbekstan aviakompaniyalarınıń Jaqın Shıǵıstaǵı ayırım mámleketlerge turaqlı reysleri waqtınsha toqtatılǵan.
Usı múnásibet penen BAÁdegi Ózbekstan puqaralarına aviakompaniyalardıń reyslerdiń jaǵdayı boyınsha rásmiy xabarların turaqlı túrde baqlap barıw, sonday-aq, kestedegi múmkin bolǵan ózgerisler hám dúzetiwlerdi esapqa alıw usınıs etildi.
Jeke qáwipsizlikti támiyinlew maqsetinde puqaralarǵa:
ilajı barınsha adamlar kóp jıynalatuǵın orınlardan uzaǵıraq bolıw;
áskeriy hám basqa strategiyalıq obektlerge jaqınlaspaw;
BAÁ wákillikli uyımlarınıń talap hám usınıslarına qatań ámel etiw;
tınıshlıq saqlaw hám tek ǵana rásmiy dereklerge súyeniw usınıs etildi.
Sonday-aq, ǵalaba xabar quralları hám sociallıq tarmaqlarda tarqalıp atırǵan tastıyıqlanbaǵan maǵlıwmatlardı bólispew qatań soralǵan.
Ayrıqsha jaǵday júzege kelgende Ózbekstan Respublikasınıń Dubay qalasındaǵı Bas konsulxanasınıń isenim telefonlarına múrájat etiw múmkin:
+971 55 986 9040
+971 55 956 4110
Diplomatiyalıq wákilxanalar jaǵdaydıń rawajlanıwın baqlawdı dawam ettirip atırǵanı hám zárúrlik tuwılǵanda puqaralarǵa qosımsha maǵlıwmat beriletuǵını málim etildi.

ÓzA