Pedagogikalıq sheberlik orayında “Sanlı dúnya pedagogları” atamasında keshe ótkerildi.
Ilaj zamanagóy sanlı bilimlendiriw ortalıǵında pedagoglardıń kásiplik kompetenciyaların rawajlandırıw, innovaciyalıq texnologiyalardı bilimlendiriw procesine nátiyjeli integraciyalaw hám aldınǵı tájiriybelerdi ǵalaba en jaydırıwǵa qaratıldı.
Keshede Oraydıń Akademiyalıq jumıstı muwapıqlastırıw bóliminiń baslıǵı M.Uteniyazov, Anıq hám tábiyǵıy pánler metodikası kafedrasınıń baslıǵı Q.Turmanovlar tema boyınsha ózleriniń bayanatları menen shıqtı.
Ilaj sheńberinde “Sanlı sálemnama”, qosıq hám basqa da temalarda shıǵıp sóylewler arqalı pedagoglardıń sanlı transformaciya procesindegi ornın hám juwapkershiligin sáwlelendirip beriwge háreket etildi.
Seminar juwmaǵında “Muǵallim viktorinası: Sanlı dúnya imtixanı” temasında soraw-juwap jarısı shólkemlestirilip, qatnasıwshılardıń bilim hám kónlikpeleri sınaqtan ótkerildi.

Qaraqalpaqstan xabar agentligi