Mámleketlik bajıxana komitetiniń Qaraqalpaqstan Respublikası basqarması, Bas prokuratura janındaǵı Májbúriy orınlaw byurosı Qaraqalpaqstan Respublikası basqarması menen Nókis qalalıq bólimi hám basqa da tiyisli uyımlardıń juwapker xızmetkerleri menen birgelikte sırttan nızamsız alıp kelingen alkogol, temeki ónimleri hám medicinalıq qurallar sud qararına tiykarlanıp, tiyisli tártipte joq etildi.
Ózbekstan Respublikası Ministrler Kabinetiniń “Mámleket dáramatına ótkeriletuǵın múlkti alıp qoyıw, satıw yamasa joq etip taslaw tártibi haqqında”ǵı qararına bola, tiyisli uyımlar tárepinen operativ ilajlar dawamında mámleketlik shegaradan nızamsız alıp ótilgen 50 qutı temeki ónimleri, 12 túrdegi medicinalıq qurallar, 30 litr spirt hám 151 alkogol ónimleri tiyisli tártipte órtep jiberildi.
Joq etiw ilajları tikkeley keń jámiyetshiliktiń qatnasıwında ámelge asırılmaqta.

Qaraqalpaqstan xabar agentligi