Elshixananıń maǵlıwmatına bola, Izrail-Egipet shegarasındaǵı “Begin” (“Taba”) shegara punkti 24 saat dawamında islemekte. Ámeldegi hújjetlerge iye bolǵan Ózbekstan puqaraları ushın Sinay yarım atawına kiriwde viza talap etilmeydi.
Shegara jıyımların artıqsha keshigiwlersiz ámelge asırıw maqsetinde tólemdi aldınnan onlayn tólew usınıs etilgen. Qalǵan qurǵaqlıqtaǵı shegara ótiw punktlerinen paydalanıw bolsa qáwipsizlik kózqarasınan usınıs etilmeytuǵını bildirilgen.
Sonıń menen birge, Izrail-Egipet shegaralarındaǵı ótiw punktleriniń jumıs rejiminde ózgerisler bolıwı múmkin ekenligi sebepli sapardı rejelestiriwden aldın áhmiyetli maǵlıwmatlardı anıqlaw usınıs etilgen.

Qaraqalpaqstan xabar agentligi