Tashkent qalasında dzyudo boyınsha «Úlken Duwılǵa» turniri óz juwmaǵına jetti.
Bul abıraylı jarısta dúnyanıń eń kúshli dzyudoshıları jeńimpazlıq ushın óz-ara bellesiwge tústi.
Onda Ózbekstan saylandı komandası quramında respublikamız wákili Ernazar Sársenbaev ta -100 kg salmaq kategoriyasında qatnasıp, finalǵa shekem Ázerbayjan, Shveycariya, Ukraina hám Niderlandiya mámleketleriniń palwanların jeńip shıǵıwǵa eristi.
Al, altın medal ushın ótken bellesiwde Ernazarǵa azmaz áwmet hám tájiriybe jetispedi hám Baxreyn saylandı komandası aǵzası Said Sadrudinovǵa eń sońǵı sekundlarda jeńilip qaldı.
Solay etip, palwanamız bul jarıstıń gúmis medalın qolǵa kirgiziwge miyasar boldı.

Adilbay Orazov,
Qaraqalpaqstan xabar agentligi sholıwshısı