Taw-kán sanaatında óndiris nátiyjeliligin arttırıw, zamanagóy sanlı texnologiyalardı engiziw hám jasalma intellekt imkaniyatlarınan keńnen paydalanıw búgingi kúnde áhmiyetli wazıypalardan birine aylanbaqta.
Soǵan bola, taraw kárxanalarında innovaciyalıq sheshimlerdi engiziw, aldınǵı xalıqaralıq tájiriybeni úyreniw hám qánigelerdiń potencialın arttırıwǵa qaratılǵan ámeliy ilajlar shólkemlestirilmekte.
Taw-kán sanaatı hám geologiya ministrligi tárepinen “McKinsey & Company” xalıqaralıq konsalting kompaniyası menen birgelikte shólkemlestirilgen gezektegi ilajda bul baǵdarda alıp barılıp atırǵan jumıslar tallandı.
Onda Taw-kán sanaatı hám geologiya ministriniń birinshi orınbasarı Feruza Hamidova tarawdı sanlastırıw processleri izbe-iz dawam etip atırǵanın, jasalma intellektten paydalanıw tiykarında óndiristegi ayırım mashqalalarǵa nátiyjeli sheshimler tabılıp atırǵanın hám málimleme texnologiyaları taw-kán sanaatınıń rawajlanıwına sezilerli úles qosıp atırǵanın atap ótti.
Seminar-trening sheńberinde qatnasıwshılarǵa sanlı platformalardan paydalanıw, maǵlıwmatlardı tallaw, óndiris processlerin optimallastırıw hám jasalma intellekt sheshimlerin ámeliyatqa engiziw boyınsha prezentaciyalar ótkerildi.
Sonday-aq, ilaj óz-ara tájiriybe almasıw, qánigeler arasında pikirlesiwdi kúsheytiw hám keleshektegi birge islesiw baǵdarların belgilew ushın áhmiy etli maydan wazıypasın atqardı.
Ilaj juwmaǵında gezektegi tiykarǵı wazıypalar belgilep alındı.
N.Ziyodullaeva, ÓzA