Ózbekstan Respublikası investiciyalar, sanaat hám sawda ministri Laziz Qudratov Paragvay Respublikasına xızmet saparın ámelge asırdı. Sapar sheńberinde Asunson qalasında sawda-ekonomikalıq hám investiciyalıq birge islesiwdi jedellestiriwge qaratılǵan bir qatar ushırasıwlar bolıp ótti.
Sonıń ishinde, sanaat hám sawda, sharwashılıq, geologiya ministrleri jáne Milliy elektr energiyası hákimshiligi – ANDE basshısı menen sóylesiwler alıp barıldı.
Tárepler óz-ara bazarlarǵa kiriw imkaniyatın basqıshpa-basqısh keńeytiw, sawda kólemin arttırıw, agrosanaat, energetika, kánshilik, ximiya hám toqımashılıq tarawlarında kooperaciyanı rawajlandırıw, sonday-aq, izbe-iz birge islesiw ushın bekkem institucionallıq tiykar jaratıw máselelerin dodaladı.
Sawda aylanısın jedellestiriw, gósh ónimleriniń turaqlı jetkerip beriliwin jolǵa qoyıw, Ózbekstan tóginleri hám toqımashılıq ónimleriniń eksportın keńeytiw zárúrligi maqullandı. “Maquila” tártibi tiykarında “Mercosur” bazarına shıǵıw ushın birgeliktegi joybarlardı ámelge asırıwǵa ayrıqsha itibar qaratıldı. Húkimetleraralıq komissiya dúziw hám 2026-2027-jıllarǵa mólsherlengen sanaat kooperaciyası baǵdarlamasın islep shıǵıw zárúr ekenligi de aytıldı.
Sonday-aq, sapar dawamında Paragvaydıń jetekshi kompaniyalarınıń basshıları qatnasıwında dógerek sáwbeti shólkemlestirilip, ámeliy nátiyje beretuǵın investiciyalıq joybarlar hám erisilgen kelisimlerdi jedel ámelge asırıwǵa qaratıwǵa kelisip alındı.
Gwzal Sattorova, ÓzA