Mámleketimiz basshısı keshe Jarqorǵanda jaslardı shet tili hám IT kurslarına oqıtıp atırǵan jeke menshik oqıw orayınıń jumısı menen tanıstı.
Bir ǵana mine usı oqıw orayı 8 mıńnan aslam jaslardı oqıtqan. Mámleketimiz xalqınıń 60 procentin jaslar quraytuǵının esapqa alsaq, bunday oqıw mákemelerin jáne de kóbeytiw kerek ekenligi atap ótildi.
Bunday oraylardı kóbeytiw ushın ornı, kreditine járdemlesiw, olardıń mápin qorǵaw, zamanagóy standartlardı engiziw zárúr.
Usı maqsette Oqıw orayları associaciyası shólkemlestiriledi. Bıyıl associaciyaǵa 100 million dollar qarjı tartıladı. Bul qarjılar oqıw orayın shólkemlestirmekshi bolǵan isbilermenlerge arzan kredit, subsidiya, orın ijarasınıń kompensaciyası ushın qaratıladı.
Májiliste wálayat belsendileri, jaslar hám nuranıylar menen sóylesti, hákimler hám juwapkerlerdiń esabatları tıńlandı.

ÓzA