Prezident Shavkat Mirziyoevtiń basshılıǵında Surxandárya wálayatın kompleksli rawajlandırıw boyınsha májilis dawam etpekte.
Termiz xalıqaralıq sawda orayı úlken nátiyjeler bermekte. Ótken jılı orayǵa 800 mıńnan aslam Awǵanstan puqaraları keldi, eksport 320 million dollar boldı.
Isbilermenler hám investorlardıń jumısın keńeytip, Termiz xalıqaralıq sawda orayında iri óndiris quwatlıqların jaratıw boyınsha usınıs penen shıqqan.
Sol sebepli, oraydıń aymaǵı 1 mıń gektarǵa jetkeriliwi belgilendi. Juwapkerlerge sonıń esabınan oraydaǵı eksport kólemin usı jılı 600 million, kelesi jılı 1 milliard dollarǵa jetkeriw, qosımsha 10 mıń jumıs ornın jaratıw tapsırıldı.
Jańa joybarlar esabınan isbilermenler de, sawda etiw ushın keletuǵın adamlar da esesine kóbeedi. Usı múnásibet penen orayda nızam ústinligin támiyinlew maqsetinde arnawlı prokuratura hám ishki isler bóliminiń jumısı jolǵa qoyıladı.
Endi oray aymaǵındaǵı tovar sawdası hám xızmetler eksport sıpatında bahalanadı, olarǵa da qosımsha qun salıǵı “nol”lik stavkada qollanıladı.

ÓzA