Korrupciya – bul mámlekettiń rawajlanıwına tosqınlıq etetuǵın, ádillik hám nızam ústinligin izden shıǵaratuǵın, jámiyette isenim ortalıǵın tómenletetuǵın eń úlken qáwip bolıp esaplanadı.
Mámleketimiz basshısı tárepinen 2026-jılı korrupciyaǵa qarsı gúresiwde “ayrıqsha jaǵday”dıń járiyalanıwı – bul tarawda pútkilley jańa, qatań hám mawasasız basqıshtıń baslanıwın ańlatadı.
Usı maqsette Qaraqalpaqstan Respublikası Bajıxana basqarmasında bajıxana xızmetkerleriniń qatnasıwında, MQX Qaraqalpaqstan Respublikası boyınsha basqarmasınıń juwapker xızmetkeri menen birgelikte ulıwma profilaktikalıq májilis ótkerildi.
Ilaj dawamında korrupciyanıń unamsız aqıbetleri, xızmet etiw dawamında nızamlılıq hám tártipti támiyinlew, hár qanday nızamsız is-háreketlerge mawasasız qatnas, xızmetkerlerdiń jeke juwapkershiligi máseleleri hár tárepleme dodalandı.
Májiliste atap ótilgenindey, korrupciyaǵa jol qoyıw – bul tek ǵana nızam buzılıwı emes, al mámleketimiz tárepinen ámelge asırılıp atırǵan reformalarǵa qıyanet bolıp esaplanadı.
Ilajda pikir-usınıslar bildirilip, qatnasıwshılar ózlerin qızıqtırǵan sorawlarǵa juwap aldı.

Qaraqalpaqstan xabar agentligi