Berdaq atındaǵı Qaraqalpaq mámleketlik universitetinde “Jaslar kúni” ilajları sheńberinde student-jaslar menen islesiwdiń nátiyjeliligin jáne de arttırıwǵa qaratılǵan gezektegi ushırasıw shólkemlestirildi.
Onda universitettiń jaslar máseleleri hám ruwxıy-aǵartıwshılıq isleri boyınsha prorektorı S.Alawatdinov Jaslar awqamı koordinatorları menen ashıq pikirlesti.
Ushırasıw dawamında universitette jaslar siyasatın nátiyjeli ámelge asırıw, studentlerdiń sociallıq belsendiligin arttırıw, ruwxıylıq hám aǵartıwshılıq ilajların mazmunı jaǵınan bayıtıw hám jaslardıń baslamaların qollap-quwatlaw máseleleri dodalandı.
Ushırasıwda fakultet hám baǵdarlarda alıp barılıp atırǵan jumıslar da talqılanıp, mashqalalardıń sheshimleri boyınsha pikir-sınıslar tıńlandı.

Ayzada Smaylova,
QMU jurnalistika tálim baǵdarı 2-kurs studenti.
Qaraqalpaqstan xabar agentligi