Yaponiyanıń SkyDrive startapı óziniń SD-05 modeli Tokio hám basqa da iri qalalar ústinde sınaq párwazların juwmaqlap, kommerciyalıq sertifikatlastırıwdıń juwmaqlawshı basqıshında tur.
Qurılma batareyada isleydi hám 12 rotor menen úskenelengen hám 3 adamǵa mólsherlengen. Ushıw aralıǵı shama menen 15-20 km, ıqsham ólshemi sebepli ápiwayı vertolyotlar qona almaytuǵın imarat tóbeleri hám tar maydanlarǵa qonıw imkaniyatına iye.
Kommerciyalıq párwazlardıń tolıq jolǵa qoyılıwı 2028-jılǵa mólsherlengen. 2030-jılǵa barıp bolsa xızmet bahası ápiwayı taksiler dárejesine shekem arzanlawı kútilmekte.

Qaraqalpaqstan xabar agentligi