“Sanlı texnologiyalar baǵdarında eń jaqsı startap” joybarınıń bıyılǵı 1-orın jeńimpazları Kóksaray rezidenciyasında mámleketimiz basshısına óz joybarların tanıstırdı.

Ministrler Kabinetiniń 2023-jıl 15-fevraldaǵı “Ózbekstan Respublikası Prezidentiniń sıylıǵı ushın “Sanlı texnologiyalar baǵdarında eń jaqsı startap” (President Tech Award) tańlawın ótkeriw tártibi haqqında”ǵı qararı tastıyıqlanǵan.

Usı qararǵa tiykarlanıp, “Baǵdarlamalıq ónimler hám málimleme texnologiyaları texnologiyalıq parki direkciyası” tárepinen Sanlı texnologiyalar ministrliginiń járdeminde “Sanlı texnologiyalar baǵdarında eń jaqsı startap” tańlawı jolǵa qoyıldı. Tańlaw 2023-jıldan baslap ótkerilip kelinbekte.

– Men hayal-qızlardıń reproduktivlik salamatlıǵına baǵıshlanǵan “Femmy” sanlı platformasınıń tiykarın salıwshılardan birimen.

Hayallar kóbinese densawlıǵı boyınsha ápiwayı, biraq áhmiyetli sorawlarǵa isenimli juwap tabıwda qıynaladı. Aldınları ózim de densawlıǵıma baylanıslı sorawlarıma juwap tabıwda qıynalǵanman. Usı mashqalanı sheshiw maqsetinde biz platformasın jarattıq.

Búgingi kúnde 20 000 nan aslam hayal-qızlar platformadan paydalanbaqta, paydalanıwshılardıń 70 procenti aymaqlarda jasaydı.

Femmy  hayal-qızlarǵa medicinalıq maǵlıwmat beriw menen birge, óziniń salamatlıq trekerine de iye. Bul treker arqalı hayal-qızlarda bolatuǵın hár qıylı dáwirler yamasa densawlıq kórsetkishlerin baqlap barıwı múmkin. Bul bolsa erte mashqalalardı anıqlaw hám shıpakerge óz waqtında xabarlasıwǵa járdem beredi.

Femmy  hayal-qızlarǵa medicinalıq maǵlıwmat beriw menen birge, óziniń salamatlıq trekerine de iye. Bul treker arqalı hayal-qızlarda bolatuǵın hár qıylı dáwirler yamasa densawlıq kórsetkishlerin baqlap barıwı múmkin. Bul bolsa erte mashqalalardı anıqlaw hám shıpakerge óz waqtında xabarlasıwǵa járdem beredi.

Bárinen burın, mámleketimizdegi densawlıqtı saqlaw hám sanlı innovaciyalarǵa berip atırǵan itibar ushın oǵada minnetdarmız hám múnásip úles qosıwǵa tayarmız.

Keleshekte sociallıq qorǵawǵa mútáj hayal-qızlar ushın biypul telemedicina xızmetlerin jolǵa qoyıwdı da rejelestirip qoyǵanbız.

Biz Femmy  platformasın mámleketlik poliklinikalar hám basqa da medicinalıq mákemeler menen baylanıstırıp úgit-násiyatlawdı rejelestirgenbiz.

Bul arqalı kóbirek hayal-qızlar Femmy  haqqında xabardar boladı, medicinalıq sawatlılıǵı artadı.

Nátiyjede mámleket medicinasınıń nátiyjeliligi artadı hám zamanagóy sanlı sheshimlerden keńnen paydalanıw imkaniyatı jaratıladı.

Men mámleketimiz basshısına Femmy  platformasın mámleketlik poliklinikalar hám basqa da medicinalıq mákemeler menen baylanıstırıw nátiyjesi haqqında prezentaciya ótkerdim.

Abdulaziz RUSTAMOV, ÓzA