Ózbekstan Respublikası Prezidenti Shavkat Mirziyoev elimizde rásmiy sapar menen bolıp turǵan Belarus Respublikası Bas ministri Aleksandr Turchindi qabıl etti.
Ushırasıw aldınan joqarı mártebeli miyman mámleketimiz basshısına Belarus Prezidenti Aleksandr Lukashenkonıń jalınlı sálemin hám eń jaqsı tileklerin jetkerdi.
Joqarı dárejedegi kelisimlerdi ámelge asırıw sheńberinde Ózbekstan – Belarus kóp tárepleme sheriklik qatnasıqların jáne de keńeytiwdiń áhmiyetli máseleleri dodalandı.
Birge islesiw, ásirese, sawda-ekonomikalıq tarawda joqarı dárejege kóterilgeni qanaatlanıwshılıq penen atap ótildi. Ótken jılı tovar almasıw 25 procentke ósip, derlik 1 milliard dollarǵa jetti. Jetekshi kompaniyalardıń tiykarǵı tarmaqlardaǵı kooperaciyası keńeyip barmaqta.
Mashina qurılısı, elektrotexnika, farmacevtika, toqımashılıq hám azıq-awqat sanaatı, awıl xojalıǵı hám basqa da tarawlarda qospa joybarlardı alǵa qoyıw arqalı ekonomikalıq birge islesiwdiń jańa kún tártibin qáliplestiriw áhmiyetli ekeni atap ótildi.
Sonday-aq, aymaqlararalıq baylanıslar hám mádeniy-gumanitarlıq almasıwlardı jedellestiriw zárúr ekeni kórsetip ótildi.

ÓzA