Ózbekstan Jazıwshılar awqamında Kórkem publicistika keńesiniń 2025-jıldaǵı jumısınıń juwmaqlarına baǵıshlanǵan jıllıq esabat májilisi bolıp ótti. Oǵan keńes aǵzaları, dóretiwshiler qatnastı.
Ózbekstan Jazıwshılar awqamında Kórkem publicistika keńesiniń baslıǵı, ustaz jurnalist, “Jáhán ádebiyatı” jurnalınıń bas redaktorı Ahmadjon Meliboev basqarǵan bul májiliste media tarawınıń búgingi jaǵdayı tolıq tallandı.
2025-jılı Kórkem publicistika keńesi tárepinen bir qansha jumıslar ámelge asırıldı. Awqamǵa kelgen publicistika baǵdarındaǵı qoljazbalar haqqında sholıwlar, juwmaqlar berildi.
Dástúriy Zamin seminarına usınıs etilgen úsh jas dóretiwshiniń jumısları Keńes tárepinen oqıp shıǵıldı hám olardıń ekewine (publicistika hám kórkem awdarma) unamlı juwmaq jazıp berildi.
Amerikalı publicist jazıwshı Sara Jionnıń basınan keshirgenleri haqqında romanı keńes tárepinen úyrenildi hám awdarmaǵa usınıs etildi.
Jıldıń eń jaqsı kitabı Q.Rafiqovtıń “Shavkat Mirziyoevtiń jolı” kitabı boldı. Bul kitap qırǵız tilinde Axmedjan Melibaev audarmasında Qırǵızstanda basıp shıǵarıldı. Sonday-aq, Ahmadjan Melibaevtıń “Jurnalistika sabaqları”, “Jurnalisttiń til baylıǵı” atamasındaǵı kitapları basıp shıǵarıldı.
Erkin Azamnıń “Tańlamalı shıǵarmalar”ınıń 5-tomı, Zuhriddin Isomiddinovtıńg “Bir qatraning favvorasi”, Zulfiya Muminovanıń “Bu kunlarni sher qil, shoirim”, Otaulidiń “Jonli swz”, Suvon Melidiń “Ishq zori izhori”, Munavvara Usmonovanıń “Bir kuni…”, Salim Ashurdıń “Hayotning davomi”, Iqbol Qwshshaevanıń “Zaminga siǵmagan orzular”, Zamira Rwzievanıń “Gavhar yangliǵ gwshalar”, Risolat Haydarovanıń “Kolya aka” toplamları oqıwshılardıń qolına jetip bardı. Bul toplamlardı 2025-jılǵı kórkem publicistikamızdıń eń saylandı shıǵarmaları, dep te aytıw múmkin.
Májiliste “Jáhán ádebiyatı” jurnalı redakciyasındaǵı jas publicistler mektebinde jurnalistlik sheberlik sırların úyrenip atırǵan jas jurnalistler arasında jańa atlar kózge taslanıp atırǵanı atap ótildi. Bıyılǵı jumısına baylanıslı usınıslar ortaǵa taslandı.
Juwmaǵında keńestiń 2026-jılǵı rejeleri belgilep alındı.

N.Usmonova, ÓzAnıń xabarshısı