Búgin dúnya xalqınıń 10 procentten aslamı volontyorlıq penen shuǵıllanbaqta.
Keyingi jılları elimizde volontyorlıq jumısınıń huqıqıy tiykarınıń jaratılǵanı, volontyorlar mektebi, joqarı oqıw orınlarında oraylardıń shólkemlestirilgeni esabınan bizde de bunday jaslar bes esege kóbeydi.
Ekologiya, medicinalıq xızmet, bilimlendiriw, ayrıqsha jaǵdaylarda járdem kórsetiw baǵdarındaǵı volontyorlardıń sanı 100 mıńnan astı.
Mine, usınday intaker jaslardı qollap-quwatlaw maqsetinde ministrlikler hám uyımlardıń basshıları, belsendi kewilli jaslardan ibarat Volontyorlıq háreketin rawajlandırıw boyınsha Qáwenderlik keńesin shólkemlestiriw usınıs etildi.
Jaslar isleri agentliginde “Volontyorlıqtı qollap-quwatlaw” qorı shólkemlestiriledi. Bul qorǵa hár jılı byudjetten 20 milliard sumnan qarjı beriledi. Buǵan qosımsha wálayat hákimleri de jergilikli byudjetten 3 milliard sumnan ajıratadı.
Bul qarjılardıń esabınan jaslardıń volontyorlıq joybarlarına 100 million sumǵa shekem grant beriledi. Íqtıyarlı jaslarǵa “sociallıq belsendilik kartası” ashılıp, ekologiya, sociallıq qorǵaw, medicina, bilimlendiriw, jámiyetlik qáwipsizlik sıyaqlı baǵdarlardaǵı qatnasına qarap, ball berilip barıladı.
“Kóksaray” rezidenciyasında Prezident Shavkat Mirziyoevtiń jaslar menen sóylesiwi dawam etpekte.

ÓzA