Prezident Shavkat Mirziyoevtiń “Kóksaray” rezidenciyasında jaslar menen sóylesiwi dawam etpekte.
“Kómek” baǵdarlaması sheńberinde 130 million sumǵa shekem procentsiz ssuda ajıratıw jolǵa qoyılǵanı sebepli alıs hám shetki aymaqlarda altı ay ishinde shet tilin úyretetuǵın 120 dan aslam oqıw orayı jumıs basladı.
Bunday oqıw orayların shólkemlestirip, tájiriybe arttırǵan jas isbilermenler átirapında IT hám zamanagóy kásip orayı, kitapxana, sport dógereklerin ashıw usınısın bermekte.
“Kómek” joybarı sheńberinde óz biznesin baslap, jaqsı nátiyje kórsetip atırǵan jaslardıń jumısın keńeytiw ushın 300 million sumǵa shekem procentsiz ssuda ajıratıw jolǵa qoyıladı.
Endi alıs aymaqlardaǵı oqıw orayları sociallıq salıqtı 1 procent muǵdarında tóleydi, olardaǵı oqıtıwshılar ushın dáramat salıǵı 7,5 procent boladı (házir sociallıq hám dáramat salıǵı 12 procentten tólenedi).
Jaslar isleri agentligine jeke menshik oqıw orayları menen birgelikte jılına 20 mıń jastı keleshek kásiplerine oqıtıw baǵdarlamasın iske qosıw, hár bir rayonǵa 500 million sumǵa shekem ssuda ajıratıp, texnikum hám oqıw oraylarında kásip-óner laboratoriyasın shólkemlestiriw tapsırıldı.

ÓzA