Bul haqqında Prezident Shavkat Mirziyoevtiń “Kóksaray” rezidenciyasında jaslar menen dawam etip atırǵan sóylesiwinde atap ótildi.
Garvard, Stenford, London ekonomika mektebi sıyaqlı abıraylı joqarı oqıw orınları aldınǵı tájiriybeler tiykarında jaslardı isbilermenlikke oqıtıwda birge islesiwge tayar.
Jaslar isleri agentligine usı sırt el joqarı oqıw orınları menen birge keminde 40 mıń jastı bizneske oqıtatuǵın “Jańa áwlad isbilermenleri” baǵdarlamasın baslaw tapsırıldı.
Baǵdarlamanı tabıslı tamamlaǵan eń jaqsı 1 mıń jastıń joybarına úsh jıl múddetke 200 million sumǵa shekem 7 procentlik kredit beriledi.
Hár jılı “Jas isbilermenler” tańlawı ótkerilip, eń jaqsı 100 joybardı brendke aylandırıw ushın “Jaslar venchur” qorınan 1 milliard sumǵa shekem qarjı ajıratıladı.
Bankler birewden konsalting kompaniyasın shólkemlestirip, usı jılı 50 mıń jas isbilermenge biznes reje tayarlawǵa járdemlesedi, olardıń qárejetin qaplap beredi. Iri sawda tarmaqlarınıń wákilleri hám maman qánigeler tartılıp, keminde 20 mıń jas isbilermenlikke oqıtıladı.
Sonıń menen birge, 1-marttan jańadan jumıs baslap atırǵan jas isbilermenlerge infrastrukturaǵa jalǵanıw menen baylanıslı mámleketlik xızmetlerdiń qárejetleri Jaslar isbilermenligi qorınan qaplap beriledi.

ÓzA