Mámleketimizde Bas ministr Aleksandr Turchin basshılıǵındaǵı Belarus Respublikası húkimeti delegaciyası bolıp tur.
Búgin joqarı mártebeli miyman “Jańa Ózbekstan” parkindegi Ǵárezsizlik monumentine gúl qoydı, elimizdiń azatlıǵı, milliy mámleketshiligimiz hám rawajlanıw jolımızdıń nıshanı bolǵan kompleks aldında húrmet kórsetti.
Máresimde Ózbekstan Respublikası Bas ministri Abdulla Aripov qatnasıp, Belarus húkimeti delegaciyasına sheriklik etti.
Ilaj dawamında eki mámleket arasındaǵı doslıq qatnasıq, óz-ara isenim hám nátiyjeli sheriklik dástúri ayrıqsha atap ótildi. Sonday-aq, miymanlarǵa mámleketimizdiń ǵárezsiz rawajlanıw jolı, elimizde ámelge asırılıp atırǵan reformalar, jańa basqıshtaǵı sociallıq-ekonomikalıq ózgerisler haqqında maǵlıwmat berildi.
Rásmiy sapar sheńberinde eki tárepleme sóylesiwler, birge islesiwdiń tiykarǵı baǵdarların dodalaw rejelestirilgen.

Dilshod Hakimov,
Otabek MIRSOATOV (súwret),
ÓzA