Belarus Respublikası paytaxtı Minsk qalasında sporttıń erkin gúres hám hayal-qızlar gúresi boyınsha 3 márte Olimpiada chempionı, kóp márte jáhán hám Evropa chempionı Aleksandr Medvedtiń esteligine baǵıshlanǵan xalıqaralıq Gran-Pri jarısı bolıp ótti.
Jarısqa Ózbekstan saylandı komandası quramında respublikamız sportshıları da qatnasıp, jaqsı nátiyjelerdi qolǵa kirgiziwge miyasar boldı.
Atap aytqanda, 92 kg salmaqta Ernazar Jumabaev, qızlar arasında 50kg salmaqta Aqtenge Kewnimjaevalar barlıq qarsılasların jeńip shıǵıp, turnir jeńimpazına aylandı.
Al, 46 kg salmaqta bellesiwlerge túsken Kamila Abatbaeva bolsa gúmis, 53 kg da Sáhipjamal Esbosınova hám 61kg da Siysagúl Sársenbaeva qola medalların qolǵa kirgizdi.
Jas sportshılardı jarısqa Dáwletiyar Artıqbaev, Aynura Japaqova, Barzıw Kiylibaev hám Sevara Erimbetovalar tayarladı.

Adilbay Orazov,
Qaraqalpaqstan xabar agentligi sholıwshısı