Mámleketlik siyasat hám basqarıw akademiyasında “Rawajlanıw strategiyası” orayı hám Strategiyalıq rawajlanıw hám reformalar agentligi menen birgelikte jańa redakciyada qabıl etilgen “Ózbekstan – 2030” strategiyası boyınsha jámiyetshilik dodalawları, bildirilgen usınıslar hám oǵan kirgizilgen ózgerisler jáne nátiyjeler boyınsha baspasóz ánjumanı shólkemlestirildi.
Asılbek Xudayarov, Ózbekstan Respublikası densawlıqtı saqlaw ministri:
– Densawlıqtı saqlaw sisteması mámleketimizdiń rawajlanıw strategiyasında áhmiyetli orın iyelegen. Álbette, hár birimizdiń bul tarawǵa zárúrligimiz boladı. Maman kadrlar hámmesin sheshedi. Ministrligimiz shıpakerlerdiń mamanlıǵın arttırıw boyınsha úlken jumıslardı rejelestirip atır.
Basqa xızmetlerden parıqlı túrde taraw wákillerinen 24 saat hárekette bolıw talap etiledi. Búgingi kúnde Prezidentimizdiń baslaması menen xalıqaralıq ekspertlerdi tartqan halda densawlıqtı saqlaw sistemasındaǵı áhmiyetli hám itibarlı táreplerge sheshimler islenbekte. Bul basqıshpa-basqısh ámelge asırılmaqta.
Rawajlanıw strategiyasında jańa párman menen densawlıqtı saqlaw sistemasına baylanıslı 9 strategiyalıq tiykarǵı maqset hám olarǵa erisilgenligin bahalawshı 33 kórsetkish anıq sanlarda hám orınlaw mexanizmi menen kórsetip berildi.
Sistemanıń qaysı baǵdarların rawajlandırıwımız kerek bolsa, pármanda áne usılar belgilep berildi. Bunda xalıqtıń uzaq ómir kóriw dawamlılıǵın arttırıwdan baslap, qanday mexanizmler tiykarında ólim hám mayıplıq kórsetkishleriniń aldın alıwǵa shekem.
Bul hújjette xalıqtı eń kóp táshwishke salıp atırǵan máseleler, adamlardıń kúndelikli turmısında sezilip atırǵan maqsetler óz kórinisin taptı.

Abdulaziz RUSTAMOV, Otabek MIRSOATOV (foto), ÓzA